Товч танилцуулга

Ти энд Жи ХХК-ийн Зураг төслийн группын танилцуулга

“Ти энд Жи”ХХК нь 1996 онд байгуулагдаж анхандаа барилгын зураг төсөл боловсруулах чиглэлээр үйл ажиллагаагаа эхэлж байсан бол өнөөдөр 60 гаруй ажилтантай барилга-архитектурын зураг төсөл зөвлөх үйлчилгээ, барилгын материалын импорт худалдаа, угсралт зочид буудал зэрэг хавсарсан бизнес эрхэлдэг барилгын салбартаа тодорхой байр суурь эзэлсэн компаниудын нэг болон өргөжижээ

Өнгөрсөн 19 жилийн хугацаанд ажил үйлчилгээгээ тасралтгүй явуулж, нийслэл болон хөдөө орон нутагт баригдах нийт 250 гаруй барилга объектын зураг төсөл боловсруулах ажлыг гүйцэтгэсэн бөгөөд түүнээс 80 орчим хувь нь баригдаж ашиглалтанд орсон байна.

Манай компани өнгөрсөн хугацаанд “Худалдааны гудамж-2005” хот байгуулалтын төсөл, “Голомт хотхон” орон сууц-үйлчилгээний цогцолбор, “Санзай орон сууцны хотхон” (28 га), “SOS хүүхдийн тосгон”, МАКС Tower, “МСS Проперти” ХХКомпанийн “Кока кола” үйлдвэрийн барилга, Оюу толгойн 4000 ажилчдын суурин, Увс, Баян-Өлгий, Төв, Сүхбаатар аямгуудын Спорт цогцолборууд, “Энканто” хотхон, УИХ-ын ордон , Женерал Импексийн офис, Өмнөговь аймгийн Цогт-Цэций орон сууцны хороолол, Шилтгээн, Вива сити хотхон зэрэг олон гадаад дотоодын хөрөнгө оруулалттай объектын зураг төслийг амжилттай гүйцэтгэж барилгын зураг төслийн үйлчилгээний чиглэлд цаглашгүй туршлага хуримтлуулан ажиллаж байна. Дээрх хугацаанд боловсруулсан архитектурын бүтээлийн нэг нь “МАЭ-ийн Нэрэмжит” Дээд Шагнал, 4 нь оны шилдэг бүтээлийн шагнал хүртэж, 2008 онд Монгол Улсын барилгын салбарын топ 10 байгууллагад багтан Зураг төслийн шилдэг байгууллагаар шалгарч байв.

Манай байгууллагын инженер техникийн ажилчид нь барилгын норм дүрэм бусад хууль тогтоомжийг мөрдөн хэрэглэгч захиалагчдын ашиг сонирхолд нийцсэн бүтээл боловсруулахыг байнгын зорилго болгон ажиллаж байна. Бид сүүлийн жилүүдэд гадаадын зураг төслийн болон захиалагч байгууллагуудтай хамтран ажиллаж тэднээс илүү их туршлага, мэдлэг сурч амжилттай хамтран ажиллаж байна. Тухайлбал: Малайзийн “Винафури” компанийн захиалгаар Улаанбаатар хотод барих хямд өртөгтэй 1000 айлын орон сууцны төсөл, БНХАУ-ын “China International design engineering” компанитай хамтран Улаанбаатар хотод баригдах 5000 хүний суудалтай Спорт цогцолборын барилгын зураг төсөл, Малайз улсын “ARX-3” архитектурын компанитай хамтран Улаанбаатар хотод баригдах “Holiday INN” зочид буудлын барилга, АНУ-ын “Fluor” компанитай хамтран “Оюу толгойн ерөнхий төлөвлөгөө”ажилчилын хотхон болон бусад барилгуудын зураг төслүүд дээр хамтран ажиллаад байна. Манай компани өнөөдөр мэргэжлийн өндөр чадвартай ажилчидтай, компьютер, программ хангамж (Барилгын тооцооны LIRA-9.0, архитектур инженерийн бусад программууд) бусад техник хангамжаар хангагдсан, өөрийн гэсэн ажлын байртай, ажиллагсдынхаа мэргэжилийн ур чадвар, нийгмийн асуудалд илүү анхаардаг, авсан тусгай зөвшөөрлийнхөө хүрээнд захиалагчийнхаа хэрэгцээ шаардлагад нийцсэн шуурхай, чанартай үйлчилгээ үзүүлдэг эвсэг хамт олон болжээ